Goymið ikki fýrverk til næsta nýggjár

03. jan 2022


Nú nýggjárið er farið afturum, er týdningarmikið at leggja sær í geyma, at avlopsfýrverk má beinast burtur á rættan hátt, tí gamalt fýrverk kann kykna av sær sjálvum.

Fýrverk kann gerast óstøðugt og vandamikið, um tað liggur í hjalli ella ráligum kjallara, har hitin sveiggjar við árstíðini. Óstøðugt fýrverk kann elva til eldsbruna og annan skaða.

Av trygdarávum mælir IRF tí fólki frá at goyma fýrverk til næsta ár.

Hvussu skal fýrverk beinast burtur?

Fýrverk verður beint burtur á rættan hátt við at lata tað inn til eitt mannað endurnýtslupláss, har tað verður heintað av IRF. Finn endurnýtslupláss og upplatingartíðir her.

Fýrverk má endiliga ikki latast saman við vanliga ruskinum í ruskposar ella bingjur, tí tá er stórur vandi fyri, at eldur kemur í ruskið.Finn endurnýtslupláss og upplatingartíðir her

Um størri nøgdir av fýrverki skulu beinast burtur, verða fólk biðin um at ringja til IRF á 414243 fyri nærri vegleiðing. Somuleiðis verða skip og bátar, sum hava neyðbluss v.m. at burturbeina, biðin um at seta seg í samband við IRF.

Seinastu tíðindi

Starvslýsing
19. jan 2022
Vinnarin av navnakapping­ini funnin
18. jan 2022
Bygda­ráð­sfundur 12.01.22 útsettur
12. jan 2022
Broyting í innsavning­ini mikudag
05. jan 2022
Goymið ikki fýrverk til næsta nýggjár
03. jan 2022
Nýggjársbál 2021
31. des 2021
Gleðilig jól
22. des 2021
Bóas og Líggjas vunnu piparkøku­húskappingina
18. des 2021
Hugsa um umhvørvið á jólum og nýggjárinum
14. des 2021
Røða hjá Sannu Akurstein
06. des 2021