Útlutan av lendi til sethúsa- og bústaðarbygging Undir Gerðhamri í Hvannasundi
Vísandi til kunngerð nr. 122 frá 22. desember 2000 um alment útboð av kommunalari fastogn lýsir Hvannasunds kommuna byggiøkini 1-14, sum lýst í útstykkingarætlanini ‘Undir Gerðhamri’ á matr. nr. 5e til sølu.
Talan er um útluting av stykkjum innan fyri ásettu byggiøkini 1-14 í ætlaðu nýggju útstykkingini ‘Undir Gerðhamri’ í Hvannasundi.
· Krøv sambært ætlaðu serstøku byggisamtyktini fyri økið.
· Krav til grundøki pr. íbúð: 100m²
· Mest loyvda ábygging fyri tví- og raðhús 40%
· Mest loyvda ábygging fyri sethús 35%
· Atkoma til útstykkingina er frá Sundsvegi
Víst verður eisini til almennu byggisamtykt kommununnar og bygningskunngerðina 2017 (BK17).
Byggiøkini verða lýst til sølu svarandi til ásetingarnar í galdandi serstøku byggisamtykt – fyri kr. 200,- m².
Meting av innkomnu umsóknunum um keyp av byggilendi tekur støði í innsendu uppskotunum.
Byggingin á økinum skal verða byrjað í seinasta lagi 6 mánaðir eftir, at økið er tinglisið í navni keyparans.
Keyparin rindar kostnað fyri møguligum sundurbýti til eigaraíbúðir.
Verkætlanin verður knýtt í verandi kloakk- og vatnskipan (íbindingargjald), meðan keyparin sjálvur skipar fyri veitingum á sjálvum grundøkinum.
Upplýsingar um útlutaðu byggiøkini og komandi útstykkingina v.m. kunnu fáast til vega við at venda sær til kommunuskrivstovuna hjá Hvannasunds kommunu á telefon 452007 ella við at senda teldubræv til hvannasund@hvannasund.fo.
Í §6 í somu kunngerð (nr. 122) stendur kommununi frítt at velja millum innkomin tilboð ella at vraka øll.
Skrivlig tilboð skulu – saman við lýsing av byggiætlanini (sum niðanfyri) og váttan um fígging – verða kommununi í hendi í afturlatnum brævbjálva í seinasta lagi 4. november 2022, viðmerkt á brævbjálvan: Bygging Undir Gerðhamri.
Fyri íbúðarbygging:
· Upplýsing um hvørji byggiøki tilboðið fevnir um.
· Skitsuuppskot av ætlaðari bygging, lýsing av tali og stødd av íbúðum.
· Lýsing av ætlaðari orkuskipan fyri byggingina.
· Váttan um fígging til fremjan av verkætlanini.
Fyri sethúsabygging:
· Upplýsing um hvørji byggiøki umsóknin fevnir um.
· Skitsuuppskot av ætlaðari bygging.
Innkomin boð verða viðgjørd í trúnaði, inntil avtala fyriliggur um sølu/útlutan.