Kunning

Hey, vælkomin á heimasíðuna hjá Barnahúsiðinum Imba.

Telefonnummør í Imba

Summarland  í Imba hósdagin, 01.07.2021
klokkan 9.30 til kl. 13:00
Skrá:
Vælkomin til summarlandið í Barnahúsinum Imba
9.30 til 10:50: vatnland, spæliland, frukt, vatn og mjólk
10:50 til 11:10: turka sær og í turr klæðir
11:10: vit fáa burgara við tilhoyr
11:45: postarenning og ymiskt gómagott
At hava við:
Matpakka
Svimjiklæðir + handklæð um barnið kann í svimjihylin
Skiftiklæðir: Nokk av skiftiklæðum
Ps.: Temadagin skulu eingi foreldur vera á stovninum frá kl.09:30 til kl.13:00. Um tit vilja hava fatur á okkum ella barni má heim áðrenn klokkan 13:00, ring á telefon  735897, 735898, 735896, 735890 ella 735891

 

Skáldkoppar:
Skáldkoppar er ein ógvuliga smittandi barnasjúka, sum ein bert fær einaferð í lívinum. Skáldkoppar vísa seg við, at barnið fær fepur og útbrot við blørum, sum seinni torna til skorpur.
Tilgerðartíðin er 2 til 3 vikur. Smittuvandi er frá 3 døgum undan, at barnið er útbrotið til 5 dagar eftir, at útbrotið er komið, ella til eingin nýggj bløra er komin í 2 dagar og til blørurnar eru tornaðar.

Nær kann barnið vera á stovninum?
Høvuðsreglan er, at sjúk børn kunnu ikki vera á stovninum.
Børn sum hava smittandi sjúkur, kunnu ikki koma á stovnin fyrr enn smittuvandin er av.
Tað vil siga, barnið skal vera frískt og kunna vera við, í øllum vanligum virksemi, uttan at hava tørv á serligari ansing.

 

Kunning um skrubb

Kunning frá Tjaldurs Apotekinum

Kunning frá Landslæknanum

Fráboðan um verkfall at byrja 14. juni 2021


Pedagogfelagið lýsir verkfall fyri sínar limir frá mánadegnum 14. juni 2021.
Verkfallið er fyri alt námsfrøðiliga sáttmálaøkið. Hetta merkir, at allir limir felagsins frá mánadegnum at rokna, fara í verkfall. Hetta eru limir, sum m.a. starvast á kommunalum dagstovnum, frítíðarskúlum, ungdómshúsum, stovnum og fyriskipanum undir Almannaverkinum, forskúlum, frískúlum, fólkaskúlum og sjálvsognarstovnum.

Kunni tykkum á fjølmilunum, hvussu alt fer fram.

Vinarliga
Ingrið Fuglø
leiðari í Barnahúsinum Imba

Felags foreldrafundurin, ið er einafer um árið, verður í Imba mánadagin 31. Mai 2021 kl. 18.30 til 20

Skrá:

Vælkomin

Frásøgn frá stovninum, um farna árið og annað, sum hevur týdning fyri gerandisdagin í Imba

Frásøgn frá foreldraráðnum

Kaffi/Te og okkurt afturvið

Viðgerð av innkomnum málum.
Ps. mál, ið skulu viðgerast mugu latast skrivliga inn til forkvinnuna í foreldraráðnum, sí freist undir foreldrabólkinum á facebook.

Val til foreldraráðið

Síggjast í IMBA til árliga foreldrafundin

 

Kunning:
Nú herjar korona aftur i landinum:
Øll, bæði børn og vaksin, ið koma inn í Imba mugu vaska hendur ella spritta hendur, áðrenn tey avlevera barn sítt í Imba. Royni at halda góða frástøðu, ikki savnast í trunka í gongini. Foreldur og avvarðandi eiga ikki at koma inn á stovurnar, bert inn til garderoburúmið. Nerti við so fáar yvirflatur sum gjørligt.

 

Kunning:
Góðu foreldur, nú er ætlanin um at flyta børnini í Barnahúsinum Imba, ið eru 4, 5, 6 og 7 ár í eindina, sum eitur Fossdalur veruleiki og, at flyta tey, ið eru 2 og 3 ár í eindina, sum eitur Áardal veruleiki, og at børn, ið eru 0 og 1 ár eru í eindini, sum eitur Lítlidalur.
Fríggjadagin vóru børnini og vitjaðu inni á sínari eind og dámdu teimum væl. Mánadagin byrja vit so við, at vera á eindini vit eiga at vera eftir aldri, vit royna hetta, so síggja vit hvussu riggar hjá teim einstøku børnunum.
Børn, ið eru 0 ár og 1 ár fara í Lítladal í Barnahúsinum Imba
Børn, ið eru 2 ár og 3 ár fara í Áardal í Barnahúsinum Imba
Børn, ið eru 4 ár, 5 ár, 6 ár og 7 ár fara í Fossdal í Barnahúsinum Imba
Børn, ið eru í skúlabólk fara í Breytadal í Barnahúsinum Imba, seinnapart
Børn, ið ganga í skúla eru í Breytadal í Barnahúsinum Imba eftir skúlatíð
Plássini hjá børnunum eru tøk á eindini tey fara í.
Ps. Undantøk eru altíð eftir hvussu árgangirnir eru, og hvussu nógv børn eru til hvønn aldursbólk.
Kunning er givin til tey foreldur har undantøk eru í løtuni.
Hvørji starvsfólk arbeiða hvar, hongur á uppslagstalvum vi høvuðsinngongdina, norðanfyri og sunnanfyri, inni í Barnahúsinum Imba.
Ps. Mangan er tørvur á, at starvsfólk flyta ímillum stovur og vikarur kemur inn, so broytingar í starvsfólki á eindunum kemur fyri.
Vit lata framvegis upp felags í Lítladali (vøggustovu 1) og lukkistovu felags í Áardali (vøggustova 2).
Klokkan 8.30 fara øll, ið komin eru, til sínar eindir. Undantøk koma fyri, um vit ikki eru mannaði, av ymiskum orsøkum.
Góðu tit, tosi við meg um tað er okkurt tit ikki skilja, ella okkurt tit halda  ikki er gott nokk, ella bara  eitthvørt tit hava uppá hjarta.
Vegna Barnahúsið Imba Ingrið Fuglø leiðari


Summarfrí 2021:
IMBA er stongt í viku 28, 29, 30 og 31 og er tað í døgunum mánadagin 12. juli til sunnudagin 08. August.
Frítíðarskúlin í IMBAhevur stongt frá mikudegnum 01. Juli til týsdagin 17. August.
Allir nevndu dagar eru íroknaðir.

Upplating eftir summarferiuna
Barnagarðsstovan og vøggustovan í Imba lata uppaftur mánadagin 09. August kl. 7.30
Frítíðarskúlin í IMBA letur uppaftur mikudagin 18. August kl. 11.15
Vegna barnahúsið Imba
Vinarliga  Ingrið Fuglø   leiðari

21.08.2020
Frá mánadegnum 24. August 2020 koyra vit aftur uttan tilmelding.
Inngongd er høvuðsinngongdin, foreldur, børn og onnur avvarðandi, minnist til at vaska hendur, ella at spritta tykkum, áðrenn tit avlevera barni/børnini, innum portri til vøggustovuna ella barnagarðin.

Vit lata upp felags í vøggustovuni.
Kl. 9.00, tá fleiri starvsfólk koma, fara barnagarðsbørnini, ið eru komin, niðan í barnagarðin.

Vit hava lukki stovu felags í barnagarðsstovuni.
Vøggustovubørnini fara niðan í barnagarðsstovuna, áleið kl. 15.45,
um tey ikki eru heintaði áðrenn.

Foreldur kunnu bert koma inn til portrini, ikki innum portrini.

Sigi altíð frá um barn tykkara ikki kemur í Imba, ein ella fleiri dagar. Sig eisini frá um barn tykkara kemur seinni enn kl. 10.00

Send sms til: vøggustovuna 735897  ella        barnagarðsstovuna 735898

Morgunmatur:
Um barn tykkara ikki hevur eti morgunmat heima, sig tað við starvsfólki.
Imba bjóðar morgunmat frá kl. 7.30 til 8.45 :  rugbreyð, smør, livurposteik, havragrýn og kornflakes við mjólk.
Ynskist annað, kann tað takast við heimanífrá.

30-03-2020

Dagstovnaplássi  í Barnahúsinum Imba er ókeypis í løtuni.
Minstamark fyri brúk av plássinum er 6 dagar um mánaðin.
Men er okkurt ávíst tit skulu ein mánað, so boða stovninum frá, at tit ikki
kunnu vera innanfyri minstamark tann mánaðin.
Ikki er neyðugt at vera á stovninum allar tímarnar stovnurin er opin, barni kann vera frá 2 tímum til allan dagin.
Øll foreldur ella avvarðandi, mugu boða stovninum frá, um barni hevur ein ella fleiri frídagar ella um barni er sjúkt. Kemur barni seinni enn kl. 10, mugu tit eisini boða frá, send eitt sms, tað er sera ómakasleyst, tað ber eisini til at ringja til okkum.
Er nakað tit undrast á, ella bara hava hug at spyrja um eitthvørt, spyr heldur eina ferð ov nógv enn ov lítið. Við ynski um gott samstarv.
Vinarliga: Ingrið Fuglø, Leiðari í barnahúsinum Imba   barn@hvannasund.fo

Leiðarin í Imba                                  telefon 735891
Frítíðarskúlin í Imba                        telefon 735896
Vøggustovan í Imba                        telefon 735897
Barnagarðsstovan í Imba             telefon 7358

Nýtt arbeiðstilfar 2020 liggur niðast á hesi síðu og undir stovur og undir vøggustovu.    🙂

 

Øllum verður ynskt eini gleðilig jól og takk fyri skjótt farna 2019

  1. Eitt fjós og ein krubba, ein koddi av strá,
    so skirvið var beðið, har frelsarin lá.
    Men stjørnan á himni, so vøkur og von,
    ber kvøðu til nýfødda lítla Guds son.
  2. Og einglarnir syngja hitt heilaga lag,
    og náttin hon hvørvur og verður til dag.
    Nú myrkrið er farið, og ljóst er í lon,
    var tøkkum tí harra, sum gav oss sín son.
  3. At lívbjarga okkum úr vanda og neyð,
    so vit kunnu liva, tá vit eru deyð.
    Eg síggi, hann smírist bak stjarnanna fjøld,
    Har savnar hann børn síni øld eftir øld.

09.12.2019
Val av foreldraumboðið var  í kvøld kl. 16.30 á eyka fundi, har bara val var á skránni.

Fundurin var lýstur á foreldrabólkinum á facebook í góðari tíð, har greitt var frá, at bert ein persónur var uppstillaður til valið og, at fundurin hevði eittans endamál, tað var valið.
Tey uppmøttu høvdu møguleika at velja persónin ella stemma blankt.

Á fundinum bleiv tó avgjørt, at eitt eyka umboð eisini kundi veljast og ein persónur var í uppskoti, so aftur her kundu tey uppmøttu velja persónin ella stemma blankt.

Fyri at valið kundi vera gildigt, máttu 50 % av børnunum á stovninum vera umboðaði.

Meira enn 50 % av børnunum vóru umboðaði, so valið var gildigt.

Elsebeth Poulsen bleiv vald, eingin stemma var blonk.

Signar í Frammistovu var valdur til eyka umboð, eingin stemma blonk.

Ein skundigur fundur, foreldur høvdu ringa tíð, tey skuldu til eitthvørt, foreldur høvdu kunna seg um valið, á facebook, og ynsktu bert eina skjóta avgreiðslu.

Málið er nátt, valið er avgreitt, vónandi møta vit øllum foreldrunum, til ein minni skundigan felagsforeldrafund, komandi heyst.

Foreldraráðið hevur fund í januar 2020

Vinarliga Ingrið Fuglø, leiðari í Imba

Vit í Imba Jólast

Í viku 48: ið er 25, 26, 27, 28 og 29 november,
hava vit jólaverkstað og venja til jólahaldið.

Í viku 49: ið er 2. 3. 4. 5. og 6 desember
Venja vit til jólahaldið og pynta jólatræðið,  jólahaldið er 4. Desember.

Í viku 50: ið er 9. 10. 11. 12. og 13 desember,
hava vit bakiverkstað, og vit eta jóladøgurað 11. Desember, børnini og starvsfólkini.

Síggjast í Imba

Jólahugnin í barnahúsinum Imba, sum er fyri børnini, ið ganga á stovninum og familjur teirra, verður hildin:
tann 04. desember 2019, frá klokkan 15:30 til 17:30

Skrá:
15:30 til 16:15: Koma og fáa drekkamunn, gele og rísalamande
16:15 til 17:15: Børnini framføra sang og ganga Lusia
16:15 til 16:30: Vit dansa um jólatræið og er ein drekkamunnur afturat um ein ynskir tað.
Vinarliga starvsfólki í Imba

9. Desember 2019 kl. 17 er eyka foreldrafundur, bert til at velja foreldraumboð. Vinarliga møtið fjølment fyri at fáa avgreitt valið.

Felags árligi foreldrafundurin verur í Imba 21.11.2019, kl. 17 til 19
Skrá:
Vælkomin

Frásøgn frá stovninum, um farna árið og annað, sum hevur týdning fyri gerandisdagin í Imba
Frásøgn frá foreldraráðnum
Kaffi/Te og okkurt afturvið

Viðgerð av innkomnum málum. Ps. mál, ið skulu viðgerast mugu latast skrivliga inn til forkvinnuna í foreldraráðnum, sí freist undir foreldrabólkinum á facebook.
Val til foreldraráðið
Síggjast í IMBA

Málmenning, leinkja við arbeiðstilfar til  vøggustovu, foreldur og onnur áhugaði.

Kroppur og rørsla, leinkja við arbeiðstilfari til vøggustovu, foreldur og onnur áhugaði

Rím og ramsur, leinkja við tilfari til starvsfólk, foreldur og onnur áhugaði

HoHoHo! So er jólamaðurin her við tilfari til desember mánaða

Tilfar frá námsfrøðiligu ráðgevingini til januar og februar

Tilfar frá námsfrøðiligu ráðgevingini til mars og apríl 2020

Tilfar frá námsfrøðiligu ráðgevingini til mmai og apríl 2020