Tøk grundstykkir í Hvannasunds kommunu

Prísurin fyri grundstykki er kr. 69,- fermeturin + tinglýsing o.a. Tó er prísurin fyri nýggju útstykkingina undir Gerðhamri, sum eru planerð kr. 300,- fermeturin + tinglýsing o.a. Undangjald fyri planerað grundstykki er kr. 50.000,- og fyri óplanerað kr. 25.000,-

Tað er frí barnaansing í kommununi. Barnagarðurin er í Norðdepli og eitur Barnahúsið Imba. Har er vøggustova, barnagarður, og forskúlabólkur. Skúli er eisini í kommununi, skúlin á Fossánesi. Har ganga børnini frá 1. til 7. flokk. Frítíðarskúlin er í skúlanum á Fossánesi, hann er til børn frá 1 - 3 flokk. 
Bæði í Hvannasundi og Norðdepli eru nýggj spælipláss og fótbóltsvallir. 

Áhugaði kunnu ringja ella skriva til Hvannasunds kommunu tlf. 452007 teldupost hvannasund@hvannasund.fo 

Hvannasunds kommuna hevur grundstykki til sølu, tað er matrikkul nr. 93h í Hvannasundi. Grundstykki er 654 fermetrar og liggur fram við blindan veg og tætt uppá spælipláss og kaiøki. 

Hvannasunds kommuna hevur grundstykki til sølu, tað er matrikkul nr. 93k í Hvannasundi. Grundstykki er 742 fermetrar og liggur fram við blindan veg og tætt uppá eitt nýtt spælipláss og kaiøki.

Hvannasunds kommuna hevur grundstykki til sølu, tað er matrikkul nr. 146a í Norðdepil. Grundstykki er 3567 fermetrar, tó vera allir fermetrarnir ikki seldir, tekningina á myndini er áleið 1600 fermetrar. Grundstykki liggur fram við blindan veg og tætt uppá skúla, barnagarð og fjøru. Um keypt verður til sethúsabygging, verður grundøki frábýtt eftir nærri avtalu. 

Planerað grundstykkir

Arbeitt verður við nýggjar útstykking Undir Gerðhamri í Hvannasundi

Grundøkini 5f (01), 5g (02), 5h (03), 5i (04), 5m(07) eru ætlað til sethús –  5k (05) og 5l (06) til íbúðarbygging.
5f:   464 fermetrar
5g:  490 fermetrar
5h:  437 fermetrar
5i:   582 fermetrar
5m: 399 fermetrar
5k:  757 fermetrar
5l:   889 fermetrar ( umbiðið ) 

Í skeytinum verður bústaðarskylda ásett.

Serstøk byggisamtykt er fyri økið.