Hvannasunds kommuna bjóðar við hesum til navnakapping um navn til nýggja útstykking í Hvannasundi. Nevnda útstykking er staðsett í einum øki millum vegirnar undir Rókini og undir Svartakletti – sum víst á myndini niðanfyri. (Sí eisini lýsing um serstaka byggisamtykt fyri økið).

Ynskiligt er at fáa eitt navn, sum fellur væl og sum hóskar væl til endamálið.

Sendið vinarliga navnauppskotið saman við stuttari grundgeving til Hvannasunds kommunu, og merkið brævbjálvan “Navnakapping”. Brævið kann eisini leggjast í postkassan á kommunuskrivstovuni.

Soleiðis luttekur tú:

Uppskotið skal latast inn í tveimum afturlatnum brævbjálvum:

·         Ein brævbjálvi við uppskotinum sjálvum, saman við grundgeving fyri navninum. Merk brævbjálvan “Navnakapping Útstykking”.

·         Ein brævbjálvi við uppskotinum sjálvum saman við navni á uppskotsstillara, so navnið á viðkomandi ikki sæst undir viðgerðini. Merk brævbjálvan “Luttakari og uppskot.”

Uppskotið skal okkum í hendi í seinasta lagi fríggjadagin 3. desember 2021 kl. 13.

Virðisløn á kr. 3.000,- verður latin fyri besta hugskotið.

Hvannasunds kommuna skilar sær rætt til ikki at nýta vinnandi uppskotið.

Hvannasunds kommuna