Fríggjakvøldið tann 28. oktober kl. 17 verður eitt tailendskt hugnakvøld á skúlanum á Fossánesi. 

Tiltakið byrjar við einari tailendskari máltíð, sum tær tailendsku kvinnurnar í Hvannasunds kommunu hava tilgjørt. Síðani verður møguleiki at hyggja eftir ymiskum, sum skúlabørnini og børnini í Imba hava evnað, teknað, perlað o.s.fr. í samband við, at tey hava arbeitt eitt sindur við evninum "Tailand". 

Skúlabørnini gera tvær verkstovur klárar, sum børn saman við sínum foreldrum kunnu fara til. 

Ein Kahootkapping við tailendskum tema verður eisini á skránni.  

Kaffi og okkurt søtt verður til keyps. Annars er tiltakið ókeypis. 

Trivnaðarnevndin