Fíggjaræætlan fyri 2023 – íløgurnar umfata í høvuðsheitum vegagerð til útstykking umframt aðrar smærri íløgur
Í sambandi við fíggjarætlanina hevur bygdaráðið raðfest útstykkingarætlan Undir Gerðhamri umframt ymsar dagføringar
Á bygdaráðsfundi 25. november varð fíggjarætlanin fyri 2023 samtykt. Inntøkurnar eru mettar til 22.806.000 kr. og rakstrarútreiðslurnar við mvg eru mettar til 19.198.000kr.
Skattaprosentið og barnafrádráttur eru óbroytt – ávikavist 19,75% og 7.000 kr. Rentustuðul og renta eru mett til 250.000 kr. og við hesum er avlopið áðrenn íløgur 3.990.000 kr. Íløgurnar eru 7.348.000 kr. Hetta gevur eitt hall á 3.990.000 kr., sum verður fíggjað við tøkum peningi.
Millum íløgurnar eru íløga i vegagerð til útstykking, nýgerð og størri umvælingar av bygningum hjá kommununi, útiøki hjá barnagarðinum, gøtuljós og fríðkan. Harumframt er eisini kommununnar partur av íløgu til eldrasamstarvið í Norðoyggjum.