Vit mugu ásanna, at vit - borgarar í kommununi - hava fingið okkum roynd á ymsan hátt hesa seinastu tíðina. Fyrst av veðrinum við nógvum kava og ikki nøktandi kavarudding og so nú 30/12, tá ið alt samband við útheimin varð kvett.

Viðurskiftini krevja eina gjølliga eftirmeting, og tað fer kommunan í holt við beinanvegin. Nevnast kann, at vit kanna møguleikarnar at yvirtaka kavaruddingina og at útvega okkum hóskandi amboð til tess.

Viðvíkjandi tilbúgvingarstøðuni fer kommunan eisini at taka hana upp til viðgerðar. Heitt verður á borgararnar í kommununi, sum hava okkurt konstruktivt at viðmerkja um hesi viðurskifti, at gera tað skrivliga til hvannasund@hvannasund.fo – helst í seinasta lagi 7. januar, soleiðis at ein viðgerð kann fara fram beinanvegin.