Í sambandi við fíggjarætlanina hevur bygdaráðið raðfest at halda fram við útstykkingarætlanini Undir Gerðhamri umframt ymsar aðrar dagføringar

Á bygdaráðsfundi 22. november varð fíggjarætlanin fyri 2024 einmælt samtykt. Inntøkurnar eru mettar til 24.180.000 kr. og rakstrarútreiðslurnar við mvg eru mettar til 20.542.000kr.

Skattaprosentið og barnafrádráttur eru óbroytt – ávikavist 19,75%  og 7.000 kr. Rentustuðul og renta eru mett til 300.000 kr. Til íløgur eru settar av 3.229.000 kr.

Millum íløgurnar eru íløga i vegagerð til útstykking, nýgerð og umvælingar av bygningum hjá kommununi, gøtuljós og fríðkan. Harumframt er eisini kommununnar partur av íløgu til eldrasamstarvið í Norðoyggjum.

Barnaansingin í kommununi er framvegis ókeypis fyri borgarar.