Starvsfólk til frítíðarskúlan á Fossánesi
Eitt tíðaravmarkað starv sum leiðari og tvey tíðaravmarkað størv sum námsfrøðingar / hjálparfólk til frítíðarskúlan hjá Hvannasunds kommunu eru leys at søkja. Setanin er avmarkað til skúlaárini 2024/25 og 2025/26. Frítíðarskúlin er í Skúlanum á Fossánesi.
Kjarnuuppgávan hjá Frítíðarskúlanum á Fossánesi er at bjóða børnunum eitt trygt, mennandi, stuttligt og lærríkt umhvørvi saman við vegleiðandi vaksnum.
Námsfrøðilesandi, sum verða liðug í summar, eru eisini vælkomin at søkja.
· Størvini eru 24-27 tímar um vikuna og verða sett sambært sáttmála millum Føroya Pedagogfelag og Kommunala Arbeiðsgevarafelagið
· Umsøkjarar, sum eru áhugaðir í meira avmarkaðum tímatali eru eisini vælkomnir at søkja.
Vit ynskja, at umsøkjarin:
· Er áhugaður at arbeiða við børnum 6-10 ár
· Er ágrýtin, initiativríkur og fakliga tilvitaður og hevur hug og evni at menna námsfrøðiliga arbeiðið á stovuni
· Hevur góð samstarvs- og samskiftisevni og megnar at virka fyri góðum samstarvi við foreldur, børn og starvsfelagar
Umsóknir við avriti av prógvi, møguligum ummæli og cv skulu vera Kommunuskrivstovuni í hendi í seinasta lagi 15. mai 2024 kl. 16:00.
Nærri fæst at vita um starvið við at venda sær til Kommunuskrivstovuna hjá Hvannasunds kommunu á tlf. 452007 ella við telduposti hvannasund@hvannasund.fo