Í brævi frá Føroya landsstýri, dagfest 31. oktober 1949 til Viðoyar kommunu verður m.a. sagt soleiðis:

Løgtingið hevur í síðstu tingsetu játtað umsókn frá íbúgvarum í Viðoyar kommunu at býta kommununa sundur soleiðis, at Viðareiði verður kommuna fyri seg (Viðareiðis kommuna) og Hvannasund, Múli, Fossá, Norðdepil, Depil og Norðtoftir verða kommuna fyri seg (Hvannasunds kommuna) og at henda sundurbýting verður frá 1. januar 1950, sbr. viðlagda nevndarálit og uppskot landsstýrisins til sundurbýtingar.

Sostatt eru á midnátt 75 ár síðan okkara kommuna var stovnað sum sjálvstøðug kommuna. Á øðrum staði her á síðuni hevur Trivnaðarnevndin boðið til ein drekkamunn í Skúlanum á Fossánesi kl. 14 til 16 í hesum sambandi. Kommunan skipar eisini fyri flottum fýrverki á midnátt.