Almenna jólatræhaldið í ár verður í Hvannasundi. Hallgerð Akurstein heldur røðu.

Felagssangur verður eisini.

Kaffi, te og okkurt afturvið verður at fáa uttan fyri Gamla skúla, har haldið verður. 

Børnini fáa ein bommpakka

Skrá:

Haldið byrjar kl. 18

- boðið verður vælkomin

- felagssangir: Eg eri jólamaðurin og Nissu mamma og nissu pápi

- Hallgerð Akurstein flytir fram røðu

- felagssangur: Gleðilig jól

- kaffi, te og karamellur - børini fáa ein bommpakka

Við vón um góða undirtøku

Trivnaðarnevndin

Felagssangir:

Eg eri jólamaðurin

1. Eg eri jólamaðurin
við stórum gráum skeggi,
í koti og svørtum knæbuksum
eg búgvi í hulduheyggi.
– Jólini nærkast í hvørjum,
allarbest mær hugnar í Føroyum,
nú er stund at gleða seg,
tí jólini nærkast í hvørjum.

2. Tá komið er út í atventu
og jólini nærkast í hvørjum,
hugsi eg bara um jólagávur
til dreingir og gentur í Føroyum.

3. Eg veit, tey sita og gleða seg
bæði á bygd og í býnum;
nógvar verða gávurnar,
tí hvørt má halda á sínum.

4. Her eru dukkur og dukkustovur,
hestar, bilar og bátar,
ein so vakur flúgvari
og nógvir tinsoldátuar.

5. Her eru dýr í hópatali,
fuglar og smáir fiskar,
ein so fittur hundahvølpur
og ein lítil kiska.

6. Her er alt, sum børnum dámar,
tað er ikki um at tosa.
Lat so bara jólini koma,
nú havi eg fullan posa.

Nissumamma og nissupápi

1. Nissumamma og nissupápi,
nissugenta og drongur,
nissubøkur, nissuborð,
nissufólkakongur.

Tjúkka nissa, klæna nissa,
stutta nissa, langa nissa,
stjørnurnar, tær glampa,
allar nissur trampa.

2. Reyða húgvu, hosur gráar,
allar nissur eiga,
renna so um jólatræið
og hvønn annan leiða.

Troyggjan reyð og skjúrtið grátt,
á – sum nissan, hon er flott,
stjørnurnar, tær glampa,
allar nissur trampa.

3. Rísingreyt og ræstan fisk,
bomm og stóran pakka
nissubørn, tey ynskja sær,
og tey bara snakka.

Tjúkka nissa, klæna nissa,
stutta nissa, langa nissa,
stjørnurnar, tær glampa,
allar nissur trampa.

Gleðilig jól

1. “Gleðilig jól! Gleðilig jól!”
ljóðar av himli einglalag.
“Armi syndari, óttas ei nú,
gleðiboðskapin hoyrir tú:
:,: “Jesus er føddur í dag.” :,:”

2. Faðir vár! Faðir vár!
høgt tó tú á himli býrt,
ikki gloymdi tú barnið títt
elskaði syndiga hjarta mítt;
:,: veri um ævi tær dýrd. :,:

3. Frelsari mín! Frelsari mín!
Náði tín hon er mítt skjól.
Paradísportrið er opnað mær,
aldri kann eg fulltakka tær
:,: fyri gleðilig jól. :,: