Í sambandi við fíggjarætlanina fyri 2026 hevur bygdaráðið raðfest menning innan frítíðarvirksemi umframt ymsar dagføringar.

Á bygdaráðsfundi 19. november varð fíggjarætlanin fyri 2026 samtykt. Inntøkurnar eru mettar til 28.994.000 kr. og rakstrarútreiðslurnar eru mettar til 27.238.000 kr. – íroknað stuðulsjáttanir, sum millum annað fevnir eitt nýtt kappróðrarneyst.

Skattaprosentið á 19,75% er óbroytt, meðan barnafrádráttuurin er hækkaður frá 7.000 kr til 8.000 kr. Rentustuðul og renta av láni eru mett til 546.000 kr., og við hesum er avlopið áðrenn íløgur og stuðulsjáttanir 3.336.000 kr.

Íløgukarmurin er 2.134.000, sum gevur eitt hall á 924.000 kr., sum verður fíggjað við tøkum peningi.

Tað verður framvegis einki barnaansingargjald í 2026 í Hvannasunds kommunu.